Meir frå bygda

Føreord

Boka som her ligg føre, byggjer på eit årelangt arbeid av Gunnar Opheim. Tidlegare har Gunnar gjeve ut skriftet «I manns minne», «Flåbygd. Ætter og folkeliv» og siste boka frå hans hand var «Nokre ætter i Lunde».

Tilfanget til denne boka: «Meir frå bygda», har Gunnar Opheim henta frå fleire hald. Mykje har han skrive sjølv, sumt har han fått andre til å skriva ned. Det er vist stor respekt for den einskilde forfattar, såleis er det halde fast på gamle ord og vendingar som nok ikkje høyrer til ein læreboknormal anno 1994. For ettertida har me funne det rett å halde fast på denne forma, slik at vårt «gamle bygdemål» skal få leva gjennorn desse boklinene. I dag merkar me så alt for ofte trugsmåla vårt gamle bygdemål og kultur vert utsett for. Av denne grunn ser me det som ei oppgåve å verna om dette som best me kan.

Mange har vore med og gjeve sitt bidrag til boka. Med dette vert dei alle takka, me har sett umåteleg stor pris på den store interessa dei har vist.

Den som har gjort det mogleg å gjeva ut denne boka, er Gunnar Opheim som både tok initiativet til utgjevnaden, og gjennom «Flåbygdlegatet» han oppretta, har gjort det økononisk gjennomførbart. Ei takk til Lunde Sparebank også som har støtta arbeidet vårt med denne boka.

Boka de nå held i handa, er Gunnar Opheim sitt verk, og stor takk vert med dette retta til han.

Flåbygd, oktober 1994
For Flåbygdlegatet
Gudmunn Kyrkjebø